Ер Есімі – Ел Есінде… / Жамбыл Ауданы
Жамбыл ауданы
Навигация
Қасен ШАНБАЕВ
Қасен ШАНБАЕВ – 1923 жылы 12 наурызда Жамбыл облысы Жамбыл ауданы Головачевка ауылында дүниеге келген. 1935 жылы мектепке барған. 1942 жылы жетінші класты бітіріп, 1942 жылы 19 январда әскерге алынған. Петропавл қаласында жаттықтыруда болып, 22 сәуірде соғысқа аттанған. 1942 жылы 5 мамырда Мәскеудің маңындағы Клин қаласында 16 армияның қарамағында соғысқа кірген. Ржев, Калинин қалаларындағы майданға қатысқан. 1945 жылы Балтық теңізі жағалауында соғысты аяқтап, 1947 жылы 12 мамырда елге оралған. 1948 жылы Момынова Маликаға үйленіп, 3 ұл, 3 қыз, 16 немере, 33 шөбере, 2 шөпшек өсірді.
1948 жылдан бастап, 1951 жылға дейін Жамбыл ауданында Головочевка ауылдық кеңесінде агент болып, сондай-ақ шаруашылықтың басқа да салаларында қызмет атқарған. 1951-1956 жылдары Свердлов ауданында, 1956-1959 жылдары Үшбұлақ жемісжүзім совхозында звеневой болып, 1959-1984 жылдары Жүйке аурулар интернат үйінде инструктор болып, 1984-1995 жылдары 500 подстанциясында қарауыл болып қызмет атқарған. 1995 жылы зейнетке шыққан. Соғыста жауынгерлігі мен айбынды ерлігі үшін бірқатар медальдармен марапатталған.