Жуалы Ауданы / Ақжолов Шәріпбай
Ақжолов Шәріпбай
Навигация
Ақжолов Шәріпбай 1925 жылы Жуалы ауданы, Бірлік ауылында туылған. 1943 жылы қаңтар айында әскер қатарына алынып, Солтүстік Қазақстан облысы Петропавлск қаласында әскери дайындықтан өтіп, 42 бөлімнің химиялық қорғау ротасында болды. Сержант, 1944 жылдың қаңтаркыркүйек айларында Карелияның Выборь қаласындағы үлкен шайқастарға қатысты. Екінші Беларусь майданында болды. Могилев, Брест қалаларын неміс басқыншыларынна азат етуге қатысқан. Мәскеу түбіндегі Влодимр облысында 56-шы бөлімнің химиялық қорғау батольыннында шайқасты.
1950 жылдың 9 мамырына дейін Польшада болып осы жылы елге оралды. 1950-1952 жылдар аралығында Ынтымақ колохозының Партия ұйымының хатшысы, 1952-1969 жылдар аралығында аудандық партия комитетінің нұсқаушысы, бөлім меңгерушісі. 1969-1986 жылдары ауылшаруашылығы кәсіподақ комитетінің төрағасы болып жұмыс істеген. 1986 жылы зейнетке шығып, «Еңбектегі еңбегі үшін» медалімен марапатталып, аудандық кеңеске депутаттыққа сайланған. Отбасында 3 қыз, 3 ұл, 16 немересі бар, қазіргі уақытта Б.Момышұлы ауылында тұрады.