Талас Ауданы / Дүйсенбай Жұмахметов
Дүйсенбай Жұмахметов
Навигация
Дүйсенбай Жұмахметов 1926 жылы 1 қаңтарда Талас ауданының «Жаңатұрмыс» колхозында дүниеге келген. Ұлты-Қазақ. 1935 жылы «Сталин» атындағы мектепке барып, 1942 жылға дейін оқып, 7 кластық білім алған. Оқудан кейін колхозда екі жыл жұмыс істеп, 1944 жылы қараша айында әскерге алынған.Әскерге барысымен Семейге барып, 3 ай дайындықтан өтіп, 1945 жылдың ақпан айында майдан шебіне түсіп Берлинге барған.
Арада санаулы уақыттар өтпей Ұлы Жеңіске де жеткен. Жеңістен кейін 2 жыл Белоруссияда, Украйна және Кавказда 3 жыл болып, 1950 жылы елге оралған. ІІдәрежелі «Отан соғысы» ордендерімен, «Маршал Жуков», «Жеңістің 70 жылдығы», «Соғыс ардагері», «10 жыл Астана» медальдарымен марапатталған. Елге оралғаннан кейін 1950-1952 жылдары МТС-те комбайыншы, 1969-1979 жылдары почтада монтёр болды. 1979 жылдан бастап құрметті зейнет демалысында. Бүгінде Дүйсенбай Жұмахметовтен тараған 5 ұлқыз, 7 немере, 21 шөбересі бар.